Серік Мұсаділов АҚШ-тағы жекпе-жегі қарсаңында салмақ өлшеді

Қазақстандық боксшы Серік Мұсаділов АҚШ-тағы жекпе-жегі қарсаңында салмақ өлшеу рәсімінен өтті.

«Панда» лақап атымен белгілі қазақстандық боксшы 22 қазанда АҚШ-тың Орландо қаласында жекпе-жекке шығады. Оның шаршы алаңдағы қарсыласы мексикалық Хавьер Гомес Руэда (21-17, 15 КО) болмақ.

Айта кетейік, Серік Мұсаділов кейінгі жекпе-жегін 8 қыркүйекте Сантьяго де Толуда (Колумбия) өткізді. Онда жергілікті спортшы Мануэль Банкесті екінші раундта нокаутқа түсірген болатын.<span id="pastemarkerend" />