«Барыс» «Амур» қақпасына бес шайба соқты

«Барыс» Құрлықтық хоккей лигасының (ҚХЛ) матчында хабаровскілік «Амур» командасының қақпасына бес шайба соқты, деп хабарлайды Prosports.kz.

Кездесу Астанада өтіп, 5:1 есебімен айдын иелерінің пайдасына аяқталды.

«Барыс» кейінгі ойында «Адмиралды» 3:1 (2:0, 0:0, 1:1) есебімен жеңсе, «Амур» омскілік «Авангардтан» 4:1 (1:0, 1:1, 2:0) есебімен жеңіліп қалған еді.

Айта кетейік, «Барыс» пен «Амур» арасындағы кейінгі үш кездесуде астаналық клуб жеңіске жеткен болатын.