Евлоев UFC Fight Night 214 турниріндегі жекпе-жекке шықпайтын болды

Ресейлік файтер Мовсар Евлоев 5 қарашада өтетін UFC турнирінде өнер көрсетпейтін болды, деп хабарлайды Prosports.kz.

Жекпе-жекке шықпау себебі - тізе жарақаты. Жекпе-жек UFC Fight Night 214 турнирінің басты кездесуінде өтуі керек еді. UFC қазір Евлоевтың орнына басқа адамды іздеп жатыр.

Евлоевта 16 жеңіс бар, әлі жеңіліп көрмеген. Ол кейінгі жекпе-жегінде америкалық Дэн Игені биыл маусымда UFC Fight Night 207 турнирінде төрешілердің бірауыздан шешімімен жеңген болатын.