«Astana Marathon 2022» жарысының жеңімпаздары белгілі болды
Елордада «Astana Marathon 2022» спорттық іс-шарасының жеңімпаздары анықталды, деп хабарлайды ҚазАқпарат қала әкімдігінің ресми сайтына сілтеме жасап.
Марафонға Қазақстан қалаларынан және әлемнің 10 елінен келген 3 мыңға жуық спортшы қатысты. Олардың арасында Ұлыбритания, АҚШ, Нидерланд, Испания, Италия, Оңтүстік Корея, Өзбекстан, Моңғолия елдері бар.
42.2 шақырым дистанцияға жүгіргендердің 92,76% - ерлер, 7,24% әйелдер болды.
10 шақырымды еңсерген ерлер мен әйелдердің арақатынасы сәйкесінше 66,43% және 33,57% құрады.
Халықаралық марафонға қала әкімі, елорда жеңіл атлетика федерациясының төрағасы Алтай Көлгінов те қатысты.
42,2 шақырымдық жарыста бірінші орынды<span> </span>Аман Нұркелді, екінші орынды Әкім Еркебай еншілесе, үшінші орынды Дархан Іскендір қанағат тұтты.<span> </span>Абсолютті санатта әйелдер арасында бірінші орын<span> </span>Әсел Қабылбековаға, екінші орын Анастасия Мажанскаяға бұйырды. Үшінші орынды Татьяна Молчанова місе тұтты.
10 шақырымдық санатта ерлер арасында бірінші орынды<span> </span>Вадим Левченков, екінші орынды Дмитрий Щеглов, үшінші орынды Әлімжан Балтабек иеленді.
Әйелдер арасында бірінші орынды<span> </span>Айгүл Аржаникова алса, Гүлмира Әменова екінші орыннан көрінді, ал Полина Глущенкоға үшінші орын бұйырды.
Айта кетейік, «Astana Marathon-2022» – қайырымдылық шара. Бұған дейін Astana Marathon ұйымдастырушылары қайырымдылық ұйымдары үшін 39 млн теңгеден астам қаражат жинаған болатын.