Бубликтің Флоренция турниріндегі қарсыласы анықталды

Ерлер теннис ұйымы (ATP) 10-16 қазан аралығында Флоренцияда (Италия) өтетін ATP-250 санатындағы турнирдің кестесін жариялады, деп хабарлайды Prosports.kz.

Жарыстың тізгінін әлемнің 13-ші ракеткасы, Канада өкілі Феликс Огер-Алиассиме бастады. Екінші нөмірді италиялық теннисші Маттео Берреттини иеленді.

Екі теннисші де турнирді екінші айналымнан бастайды.

Қазақстандық теннисші Александр Бублик (43-ші рейтингтік нөмір) чилилік Кристиан Гаринмен (81-ші рейтингтік нөмір) ойнайды.

Турнирдің жүлде қоры 757 900 еуроны құрады.