Карпович қыркүйекте Қазақстанның үздік жаттықтырушысы болып танылды

Өткен айдың үздік бапкерін анықтау үшін Қазақстан Кәсіпқой футбол лигасы Қазақстан чемпионаты командаларының бапкерлері арасында дауыс беруді өткізді, деп хабарлайды Prosports.kz.

Әріптестерінің ең көп дауысын «Ақтөбенің» бас бапкері Андрей Карпович алды. Оған Чемпионаттың 14 клубының 6-ы дауыс берді. Қазақстандық маманның жетекшілігімен «Ақтөбе» қыркүйектің үш турында 7 ұпай жинап, сол арқылы турнирлік кестедегі көшбасшылықты нығайта түсті.

Сауалнамада төрт әріптесі дауыс берген Ақсудың бас бапкері Руслан Костышин екінші орынды иеленді.

Сауалнамада екі дауыспен үшінші орынды «Тобылдың» бас бапкері Милан Миланович иеленді.