Рыбакина әлемдік рейтингіде бір сатыға төмендеді

<span>Әйелдер теннисі қауымдастығы (WTA) жаңартылған рейтингіні жариялады, деп хабарлайды Prosports.kz тілшісі ҚазАқпаратқа сілтеме жасап.</span>

<span>Қазақстанның бірінші ракеткасы Елена Рыбакина дүниежүзілік рейтингіде жеке сында 25-тен 26-сатыға төмендеді.</span>

<span>Тағы бір қазақстандық Юлия Путинцева 42-ден 47-ге, биыл маусымды ерте тәмамдаған Зарина Дияс 324-тен 356-ға сырғыды.</span>

Рейтингіде бұрынғыша Польша өкілі Ига Свентек көш бастап келеді. Тунистік Онс Жабер екінші сатыда. Ал Таллинде WTA 250 жарысының финалына дейін жеткен эстониялық Анетт Контавейт үшінші орынға көтерілді.

<span>Жұптық сында алғашқы үштік өзгеріссіз: чехиялықтар Катерина Синякова мен Барбора Крейчикова және бельгиялық Элизе Мертенс ешкімге жол берер емес.</span>

<span>Қазақстандықтардан Анна Данилина 21-інші, Рыбакина 99-орында.</span>

Айта кетейік, Е.Рыбакина осы аптада Острава (Чехия) WTA 500 додасында өнер көрсетеді. Ол бүгін алғашқы айналымда әлемнің 17-ракеткасы, америкалық Мэдисон Кизбен кортқа шығады.