Нұрдәулетов кәсіпқой рингтегі алтыншы жеңісіне қол жеткізді

Қазақстандық боксшы Бекзад Нұрдәулетов кәсіпқой рингтегі алтыншы жеңісіне қол жеткізді, деп хабарлайды Prosports.kz.

Ол Люблин қаласында (Польша) өтіп жатқан бокс кешінде грузиялық Яго Кизириямен кездесті. Жартылай ауыр салмақ дәрежесінде өткен жекпе-жек толық сегіз раундқа жалғасып, Нұрдәулетов төрешілер шешімімен жеңіске жетті.

Осылайша Бекзад Нұрдәулетов кәсіпқой мансабындағы алтыншы жеңісіне қол жеткізді.