Сойлыбаев Польшада WBA титулы үшін жұдырықтасады

Қазақстандық боксшы Бекман Сойлыбаев (14-1, 5 КО) 1 қазанда польшалық Люблинде екінші жартылай жеңіл салмақта WBA Intercontinental титулы үшін жұдырықтасады, деп хабарлайды Prosports.kz.

32 жастағы Сойлыбаевтың қарсыласы ОАР боксшысы Сифосетху Мвула (16-4-1, 7 КО) болады.

Мвула барлық жекпе-жегін Оңтүстік Африкада өткізген. Кейінгісінде отандасы Принс Ндлованы (12-12-4, 3 КО) жеңген.

Ал Сойлыбаева кейінгі рет рингке 11 маусымда Ақтауда шыққан. Сол кезде мексикалық Томас Рохасты (52-21-1, 34 КО) төрешілер шешімімен жеңген болатын.