Геннадий Головкинге қарсылас табылмай тұр

<p style="text-align: justify;"> <strong>Бокстан WBA (Super), IBO және WBC (Interim) нұсқалары бойынша орта салмақтағы әлем чемпионы отандасымыз Геннадий Головкиннің промоутері Том Леффлер келесі жекпе-жектерін жоспарлаған уақыттан кешірек өтетінін хабарлады.</strong></p> <p style="text-align: justify;"> GGG және оның командасы 2015 жылы төрт кездесу өткізуді жоспарлаған болатын. Осыған дейін екі жекпе-жек өткізіп үлгерген отандасымыз келесі қарсыласымен қыркүйек айында жұдырықтасуды мақсат тұтып отырғанын да хабарлаған едік. Алайда Геннадий жұдырықтасқысы келетін боксшылар түрлі сылтаулармен кездесуден жалтарып отыр.</p> <p style="text-align: justify;"> - Біз Геннадий Головкинге лайықты қарсылас іздеп жатырмыз. Осы жылғы үшінші жекпе-жекті қыркүйек айында өткізуді жоспарлаған болатынбыз. Ал ірі жекпе-жек өткізетін болсақ, уақытты тағы созуымыз мүмкін. Десе де НВО күнтізбесіне сәйкес қыркүйек, болмаса қазан, қараша айларында тартысты кездесу ұйымдастыруды жоспарлап отырмыз. Ал сол тартысты жекпе-жекке қазір лайықты қарсылас табылмай тұр, - деді Том Леффлер.</p> <p style="text-align: justify;"> Айта кетейік, Геннадий Головкин соңғы рет 17 мамырда америкалық кіші Вилли Монромен кездесіп, оны 6-шы раундта жеңген болатын.</p> <p style="text-align: justify;"> &nbsp;</p> <p style="text-align: justify;"> Massaget.kz сайтынан</p> <div> &nbsp;</div>