Үстел теннисінен ел чемпионатының алғашқы жүлдегерлері анықталды

Павлодарда үстел теннисінен жасөспірімдер арасындағы Қазақстан чемпионаты өтіп жатыр. 

Жартылай финалдан кейін командалық жарыстардың қола жүлдегерлері анықталды.

Жігіттер: Павлодар облысы (Қадырәлі Қабдылуахитов, Әділ Қазкен, Әмір Амангелді, Әлішер Нұрбаев, Ғалымжан Әбішев), Батыс Қазақстан облысы (Нұрдәулет Нұғай, Дамир Мэлсов, Болат Ниетқалиев, Ержігіт Серікбай, Мансұр Сүйіндік).

Финалда алтын медальді алматылықтар мен қарағандылықтар сарапқа салады.

Қыздар: Нұр-Сұлтан (Малика Сандыбаева, Алиса Цвигун, Елизавета Лаврова, Алтынай Ержанқызы, Нұрсая Нұрман), Түркістан облысы (Шахзода Ахмадалиева, Аружан Нұржанқызы, Назым Серікбай, Гүлера Шавкатова, Ноила Ханиязова).

Командалық алтын медаль үшін Шымкент пен Қарағанды облысының теннисшілері бақ сынайды.