Басқа

Шымкентте таеквондодан жастар арасында жарыс өтті

Шымкентте таеквондодан жастар арасында жарыс өтті

Шымкентте 22-24 шілде аралығында таеквондодан еңбек сіңірген бапкер Шадияр Қондыбаев атында республикалық турнир өтті, деп хабарлайды федерацияның баспасөз қызметі.

Шаһардағы Жоғары спорт шеберлігі мектебінде ұйымдастырылған аламанға еліміздің 11 өңірден 37 команда қатысты. Балалар, жасөспірімдер, жастар арасында өткен жарыста 470 спортшы бақ сынады.

Барлық жеңімпаз бен жүлдегерлерге медальдер мен марапаттау қағаздары табысталды.

Айта кетейік, Шадияр Қондыбаев – отандық таеквондоның негізін қалаушылардың бірі. Қазақстан таеквондо федерациясының таеквондоны дамыту жөніндегі вице-президенті.

Ошибка в тексте? Выделите и нажмите Ctrl+Enter
Пікірлер 0