Бейбіт Жукаев Нұр-Сұлтандағы «Челленджер» турнирінің жартылай финалына шықты

Қазақстандық теннисші Бейбіт Жукаев Нұр-Сұлтанда өтіп жатқан «Челленджер» турнирінің жекелей сынында жартылай финалға шықты, деп хабарлайды Prosports.kz.

Бейбіт Жукаев ширек финалда өзбекстандық теннисші Денис Истоминді 6-7, 7-6, 7-6 есебімен жеңді.

Матч 3 сағатқа созылды.

Жартылай финалда Бейбіт отандасы Денис Евсеевпен кездеседі.

Еске салайық, екінші айналымдағы кездесуде Жукаев Израиль теннисшісі Даниэль Цукерманды 6-4, 5-7, 7-6 есебімен жеңген болатын.

Фото: Андрей Ударцев