Александр Бублик Уимблдонның үшінші раундында жеңілді

Қазақстандық теннисші Александр Бублик Уимблдон турнирінің жекелей сында төртінші айналымға өте алмады, деп хабарлайды Prosports.kz сайты.

Үшінші раундта Қазақстанның бірінші ракеткасы тартысты матчта АҚШ өкілі Фрэнсис Тиафоға 6-3, 6-7 (1-7), 6-7 (3-7), 4-6 есебімен есе жіберді.

Еске салайық, екінші айналымдағы ойында қазақстандық серб өкілі Душан Лайовичті 7:6, 6:2, 7:5 есебімен ұтқан болатын.