Карл Фрочтің Геннадий Головкинмен жұдырықтасқысы келеді

<p style="text-align: justify;"> <strong>Екінші орта салмақта бұрынғы әлем чемпионы британдық Карл Фроч келесі қарсыласы Геннадий Головкин немесе Джеймс ДиГейл болуы мүмкін екенін мәлімдеді.</strong></p> <p style="text-align: justify;"> - Мен Геннадий Головкинмен жұдырықтасқым келеді. Егер ол қарсы болмаса. Ол менің Джеймс ДиГейл секілді келесі қарсыласым болуы мүмкін, - деді боксшы &laquo;IFL TV&raquo; арнасына берген сұхбатында.</p> <p style="text-align: justify;"> Британдық боксшы өз сұхбатында соңғы жекпе-жегін өткізу немесе өткізбеуі туралы ойланатынын да алға тартты.</p> <p style="text-align: justify;"> - Джеймс ДиГейл менімен жұдырықтасқысы келсе, оны ұйымдастыруға тырысамын. Шынымды айтсам, оны ұту оңай. Ол менің чемпиондық белбеуімді иеленді. Головкин мен ДиГейлдің бірі &ndash; менің келесі қарсыласым. Бірақ мен спорттық мансабымды жалғастыру, жалғастырмау туралы шешімді келер аптада қабылдаймын. Егер жалғастырар болсам, бір-ақ рет шаршы алаңға шығатын боламын, - деді британды боксшы.</p> <p style="text-align: justify;"> Айта кетейік, осыған дейін Карл Фроч Геннадий Головкиннің жеңісті жолына тосқауыл бола алатынын айтқан болатын. Ал кездесуді ұйымдастыруға талпынған промоутер Эдди Хирн бұл жекпе-жектің өтуі &laquo;НВО&raquo; арнасының қаржылық жағдайына байланысты деп хабарлаған-ды.</p> <div> &nbsp;</div>