Жібек Құламбаева Сербиядағы турнирдің жұптық сынында топ жарды

Қазақстандық Үндістан өкілі Пратхан Томбаремен дуэтте Сербияда жүлде қоры 25 000 АҚШ долларын құрайтын жұптық турнирде топ жарды, деп хабарлайды Prosports.kz.

Жарыстың финалында Жібек пен Пратхан Лейра Ромеро (Испания) / Тара Вюрт (Хорватия) кездесуі керек еді. Алайда, Тараның жарақатына байланысты кубок үшін шешуші ойын өтпей, мерзімінен бұрын жеңіс қазақ-үнді дуэтіне бұйырды.

Құламбаева осы маусымда жұптық турнирінде үшінші рет жеңіске жетті. Жалпы, теннисшіміздің жұптық сайыста 17 титулы, жекелей сында 2 жүлдесі бар.

Келесі аптада Жібек Голландияның Ден Хааг қаласында ITF W25 сериясы бойынша турнирге қатысады.