Мигель Котто: «Неліктен Головкинді үздіктер қатарына қосады?»

<p style="text-align: justify;"> <strong>Қазақстандық кәсіпқой боксшы Геннадий Головкин әлі күнге даңқты боксшылармен жұдырықтасқан жоқ. Сондықтан оны орта салмақтағы үздіктердің қатарына жатқызу ертерек. Мұндай пікірді пуэрториколық бксшы Мигель Котто білдірді.</strong></p> <p style="text-align: justify;"> <strong>- Бокс қауымдастығы Головкиннен нокаутпен ұтылған Гилді WBC белбеуі үшін сізбен жекпе-жек өткізуге лайық емес деп есептейді. Сіз қалай ойлайсыз?</strong></p> <p style="text-align: justify;"> - Бокс қауымдастығы Головкиннің бүгінге дейінгі қарсыластарының арасында қандай да бір даңқты боксшы бар деп айта ала ма? Ендеше, неліктен оны орта салмақтағы ең үздік боксшылардың қатарына жатқызады, соны түсіне алмаймын.</p> <p style="text-align: justify;"> Айта кету керек, Котто 6 маусым күні австралиялық Дэниэл Гилмен жекпе-жек өткізеді. Естеріңізге саламыз, Гил өткен жылдың шілдесінде Головкиннен нокаутпен жеңілген болатын. Отандасымыз WBC чемпионы белбеуіне бірден-бір үмітті боксшы. Ол қыркүйек айында өтетін келесі кездесуінде Гил мен Котто арасындағы жекпе-жегінің жеңімпазымен осы белбеуді сарапқа салуы әбден мүмкін.</p>