Елена Рыбакина Нидерландыда өтіп жатқан турнирде матчты жалғастырудан бас тартты

Қазақстандық теннисші Елена Рыбакина Хертогенбоста өтіп жатқан WTA 250 сериясындағы турнирдің  жұптық сынында бірінші айналымында кездесуді жалғастырудан бас тартты, деп хабарлайды Prosports.kz.

Қазақстанның бірінші ракеткасы ресейлік Людмила Самсоновамен дуэтте Тамара Зиданшек (Словения) / Эллен Перес (Аустралия) жұбымен кездесті.

Екі сеттен кейін Рыбакина мен Самсонова кездесуді жалғастырудан бас тартты. Ойын 6-1, 6(6)-7 есебімен аяқталды.

Матч 1 сағат 12 минутқа созылды.