Қазақстандық жас теннисшілер Еуропадағы турнирлерде жеңіске жетті

Қазақстандық жас теннисшілер Түркия мен Арменияда 14 жасқа дейінгілер арасында өткен Tennis Europe жарыстарында жеңімпаз атанды, деп хабарлайды Prosports.kz сайты ҚазАқпарат-қа сілтеме жасап.

<span>Қазақстан теннис федерациясынан мәлім еткеніндей, Армения астанасы Ереван қаласында екінші санаттағы Gold Gym Yerevan Cup турнирінің финалдарында қазақстандықтар өзара бас жүлдені сарапқа салды. </span>

<span>Жекелей сында елордалық Мансұр Шәкен Еуропа рейтингісінде көш бастап келе жатқан алматылық Заңғар Нұрланұлын тартысты бәсекеде 6:2, 3:6, 6:1 есебімен ұтты. Бұл Мансұрдың жекелей сындағы алғашқы титулы еді. </span>

<span>Жұптық сында Заңғар Нұрланұлы чемпиондық тұғырға көтерілді. Ол армениялық Микаел Аванесянмен бірге соңғы бәсекеде қазақстандықтар Мансұр Шәкен – ақтөбелік Демид Горбачевтан айласын асырды – 6:3, 6:2. </span>

<span>Түркияның Адана қаласында өткен осындай додада қазақстандық жас теннисшілер жұптық сында сәтті өнер көрсетті. Қыздар арасында ақтөбелік Ева Корышева елордалық Аружан Нұранбаймен бірге финалда корт иелерін 6:3, 6:0 есебімен ойсырата жеңді. </span>

<span>Жекелей сында Е.Корышева жартылай финалға дейін жетіп, пәкстандық теннисшіге жол берді – 3:6, 3:6. </span>

<span>Ұлдар арасында алматылық Михаил Мищенко астаналық Дамир Дүйсенғазинмен бірге шешуші матчта ақтөбеліктер Тэмуджин Ескендіров пен Даниел Юреклиді 6:1, 6:1 есебімен тізе бүктірді.</span>