Қырғызстанда «Алыш» белбеу күресінен Азия чемпионаты өтіп жатыр

Қырғызстанның оңтүстік астанасында ерлер мен әйелдер арасында «Алыш» белбеу күресінен Азия чемпионаты басталды.

Жарысқа әлемнің 11 елінен 300-ден астам спортшы қатысуда. Оның ішінде Қазақстан, Өзбекстан, Жапония, Үндістан, Иран, Моңғолия, Түркіменстан және Қырғызстан елдерінен келген спортшылар бар бар. Олар 20 салмақ дәрежесінде жарысады, 24 медаль жиынтығы ойнатылады.

Спорттық шара Ош қаласында алғаш рет өткізіліп отыр. Бұл - осы жылдың қыркүйек айында Түркия Республикасының Изник қаласында өтетін IV Дүниежүзілік көшпенділер ойындарына іріктеу кезеңі.