Дэвис кубогында Қазақстан теннисшілерінің қай күндері ойнайтыны анықталды

Дэвис кубогының топтық кезеңінде теннистен Қазақстан құрамасының қай күндері ойнайтыны белгілі болды.

<span> Дэвис кубогының ұйымдастырушылары мәлім еткеніндей, барлық топтағы матчтар биылғы қыркүйек айында өтеді. </span>

<span>Қазақстан құрамасы Глазго (Шотландия) қаласында өз ойындарын D тобында өткізеді. Қазақстандық теннисшілер 13 қыркүйек күні Нидерланды құрамасымен кездеседі.</span>

<span> Содан кейін 15-інде АҚШ командасымен шеберлік байқасады. 18-інде корт иелері – Ұлыбританиямен күш сынасады.</span>

<span> Сондай-ақ топтық бәсекелер Болонья (Италия), Валенсия (Испания) және Гамбург (Германия) қалаларында өтеді. </span>

<span>Әр топтан екі үздік құрама плей-офф кезеңіне жолдама алады. Плей-офф бәсекелері Испанияның Малага қаласында 21-27 қараша күндері болады.</span>