Қасым-Жомарт Тоқаев Түркия президентімен үстел теннисін ойнады

Қазақстан Президенті Қасым-Жомарт Тоқаев мемлекеттік сапармен Түркияға барды. Мемлекет басшысының баспасөз қызметі Тоқаев пен Режеп Тайып Ердоғанның үстел теннисін ойнап жатқан суретін жариялады.

Қазақстан президенті Қасым-Жомарт Тоқаев сейсенбі, 10 мамырда Анкараға келді. Ресми іс-шаралардың соңында Қазақстан мен Түркия президенттері үстел теннисін ойнады, деп жазады мемлекет басшысының баспасөз қызметі.

Мемлекет басшысының Түркия Республикасына мемлекеттік сапары қазіргі түрік мемлекетінің негізін қалаушы, Түркияның тұңғыш президенті Мұстафа Кемал Ататүрік кесенесіне барудан басталды.