Халықаралық теннис федерациясы ресейлік және беларусьтік теннисшілерді командалық турнирлерден шеттетті

Халықаралық теннис федерациясы (ITF) Ресей мен Беларусь теннис федерацияларының ұйымдағы мүшелігін уақытқа тоқтатты, деп хабарлайды Prosports.kz.

Бұл туралы ITF ресми сайтында жазылған.

Ресей мен Беларусь құрамалары халықаралық командалық жарыстарға қатыса алмайды. Дегенмен теннисшілерге жекелей жарыстарға ұлттық гимн, тусыз қатысуына рұқсат берілген. 

Наурыздың басында ITF Украинадағы жағдайға байланысты Ресей мен Беларусьтағы барлық турнирді өткізбей қойған болатын.