Жазғы Азия ойындары 2023 жылға шегерілді

Бұл туралы Азия Олимпиадалық кеңесінің (АСА) төрағасы Рандхир Сингх хабарлады.

Ойындарды шегеру туралы шешім Ташкентте өтіп жатқан Азия Олимпиадалық кеңесінің атқарушы комитетінің отырысында қабылданды.

Ұйымдастыру комитеті бұған не себеп болғанын әлі айтқан жоқ. Алдын ала болжам бойынша, бұл Шанхайдағы эпидемиологиялық ахуалға байланысты болуы мүмкін.

Ойындар өтетін нақты уақыт жақын арада белгілі болады.

Азия ойындары 2022 жылдың 10-25 қыркүйегі аралығында ұйымдастырылуы тиіс болатын.