Қазақстандық спортшы Бразилиядағы сурдлимпиадалық ойындарда қола жүлдегер атанды

<span>Бразилияның Кашиас-ду-Сул қаласында өтіп жатқан 24-ші жазғы сурдлимпиадалық ойындарда батысқазақстандық Дина Ержанова сурдо дзюдодан қола жүлдегер атанды, деп хабарлайды ҚазАқпарат. </span>

<span>БҚО дене шынықтыру және спорт басқармасының басшысы Қаймен Есендияровтың айтуынша, Д.Ержанова 52 келі салмақта жүлдегерлер қатарынан көрінді. </span>

<span>Оның сөзіне қарағанда, Дина Аралбекқызы 2018 жылдан бастап Батыс Қазақстан облысының дене шынықтыру және спорт басқармасының мүмкіндіктері шектеулі адамдарға арналған спорт клубында (директоры Әскербек Нұрмұханов) спорт түрлерімен шұғылданып келеді. </span>

<span>Осы аралықта ол сурдо дзюдодан Қазақстан Республикасының чемпионы, ел кубогының иегері атанды. 2021 жылы Франция мемлекетінің Версаль қаласында өткен әлем чемпионатына қатысты. </span>

<span>Дзюдо күресінен Қазақстан Республикасының спорт шебері. Дина 2004 жылдың 12 наурызында Ақтөбе қаласында дүниеге келген. Қазіргі уақытта Батыс Қазақстан облысы, Бәйтерек ауданы Мичурин ауылында тұрады.</span>

<span> «Дина Орал қаласындағы облыстық есту қабілеті бұзылған балаларға арналған арнайы мектеп-интернатын тәмамдаған. Бүгінде қаладағы жоғары гуманитарлық-экономикалық колледжінде дене шынықтыру және спорт пәнінің мұғалімі мамандығы бойынша 1-курста оқиды. Жаттықтырушылары – Теміржан Сұлтанұлы Хасанғалиев және Арман Шыңғалиұлы Байенов», деді ҚазАқпарат тілшісіне Қ.Есендияров.</span>