Қазақстандық WBO чемпионы қарсыласының ауықаны туралы мәлімдеді

Қазақстандық боксшы Сұлтан Зәуірбек (12-0) қарсыласының ауысқаны туралы мәлімдеме жасады, деп хабарлайды<span> </span>Prosports.kz.

Бастапқыда Зәуірбектің қарсыласы мальталық боксшы Хайтем Лаамуз болуы керек еді, бірақ оның орнына Николас Ботелли жұдырықтасатын болды. Жекпе-жек ертең өтеді.

«Бұл спорт және бокс. Кейде бәрі біз ойлағандай бола бермейді! Менің қарсыласым жарақат алып, жекпе-жектен бас тартты деген хабар келді. Қарсыласым ауысты, енді ол кім және қандай боксшы екенін әлі бақылап көрген жоқпын. Бүгін салмақ өлшеу, ал ертең жекпе-жек. Біз неге болсада дайынбыз, үш ай бекер тер төккен жоқпыз. Ертең көріскенше!», — деп жазды Зәуірбек Инстаграм парақшасында.