Қазақстан - Германия матчының жеребесі тартылды

<span>Бүгін елордада Билли Джин Кинг кубогы аясында 15-16 сәуірде өтетін Қазақстан - Германия іріктеу матчының жеребесі тартылды.</span>

<span>Доданы Юлия Путинцева мен әлемнің бұрынғы бірінші ракеткасы, «Үлкен дулыға» турнирінің үш дүркін чемпионы Анжелика Кербер бастайды. Бұл жұп Ұлттық теннис орталығының орталық кортына жұма күні елорда уақытымен сағат 13:00-де шығады. </span>

<span>Осы кездесу біткеннен кейін Қазақстанның бірінші ракеткасы Елена Рыбакина мен Лаура Зигемундқа кезек келеді. </span>

<span>Сенбі күні матч сағат 14:00-де жалғасады. 16 сәуірде Анжелика Кербер – Елена Рыбакина, Юлия Путинцева – Лаура Зигемунд және жұптық сында Анна Данилина/Ярослава Шведова – Анна-Лена Фридзам/Юле Нимайер кездеседі деп жоспарланып отыр.</span>

<span>Үш жеңіске жеткен команда Билли Джин Кинг кубогының финалдық кезеңіне жолдама алады.</span>