Германияның бірінші ракеткасы Қазақстанмен матчтың қиынға түсетінін айтты

Германияның бірінші ракеткасы, «Үлкен дулыға» турнирінің үш дүркін жеңімпазы Анжелика Кербер Билли Джин Кинг кубогы іріктеу кезеңі аясындағы Қазақстанға қарсы матч туралы пікір білдірді, деп хабарлайды Prosports.kz сайты ҚТФ баспасөз қызметіне сілтеме жасап.

Айта кетейік, кездесу 15-16 сәуірде өтеді.<br /><br /><span>Оның айтуынша, Қазақстан құрамасы – күшті әрі қолайсыз қарсылас, оған қоса бәсеке елордада өтеді.</span><br /><br /><span>«Елена Рыбакина – Қазақстан ғана емес, әлемдегі мықты теннисшілердің қатарында, ол көптен бері жоғары деңгейде өнер көрсетіп келеді. Мен үшін ел намысын қорғау – үлкен құрмет. Бұл ретте ештеңе өзгерген жоқ. Тіпті Қазақстан сияқты алыстағы елге баруға тура келіп, өзімнің жарыстарға дайындалуыма кедергі болса да, Германия үшін ойнауға барымды саламын. Ең бастысы, құрама үшін күткен нәтижеге қол жеткізсек, болды», деді Анжелика Кербер.</span>