Головкин бейсбол матчын ашып берді

<p style="text-align: justify;"> <strong>Геннадий Головкин Лос-Анджелестегі Dodger Stadium бейсбол алаңында жергілікті командалар арасындағы матчта алғашқы допты лақтырып, ойынды ашып берді, деп хабарлайды &laquo;PROСПОРТ&raquo;.</strong></p> <p style="text-align: justify;"> Ұйымдастырушылар алқасы MLB біріншілігі аясында &laquo;Лос-Анджелес Доджерс&raquo; және &laquo;Майами Марлинс&raquo; бейсбол командалары арасындағы матчты ашуды отандасымыз Геннадий Головкинге сеніп тапсырыпты. Айта кету керек, қазақстандық боксшы Dodger Stadium-да ұйымдастырылған шараға екінші рет құрметті қонақ ретінде шақырылып отыр. Бұдан бөлек, Головкин АҚШ-тың Финикс қаласында өткен қайырымдылық кешіне де құрметті қонақ ретінде шақырылған болатын.</p> <p style="text-align: justify;"> Естеріңізге саламыз, Геннадий Головкин 16 мамырда кезекті жекпе-жегін өткізеді. Оның бұл кездесудегі қарсыласы америкалық Вилли Монро (19-1, 6 КО).</p>