Thailand Open: Қазақстандық алты боксшы жартылай финалға өтті

Таиландтың Пхукет қаласында бокстан халықаралық Thailand Open-2022 турнирі өтіп жатыр, деп хабарлайды<span> Prosports.kz.</span>

<span>Бүгін, 5 сәуірде 7 қазақстандық боксшы жартылай финал жолдамасын сарапқа салды.</span>

<span>63 келіге дейінгі салмақта екі боксшымыз өнер көрсетті. Санатәли Төлтаев Қытай Тайпейінен келген Чу-Эн Лайды, ал Сұлтан Мусинов вьетнамдық Ву Тан Датты жеңіп, жартылай финал жоламасына ие болды.</span>

<span>69 келіде команда капитаны Асланбек Шымбергенов филиппиндік Маржон Пианарды сенімді жеңді.</span>

<span>75 келіде де екі отандасымыз бақ сынады. Бірақ біреуі ғана 1/2 финалға өтті. Тимур Нурсейітов үндістандық Сумиттен жеңіліп, жарыс жолын аяқтады. Ал Аятулла Тәкіжанов таиландтық Борворн Кадамнуанды жеңіп, келесі кезеңге шықты.</span>

<span>Ал 91 келіде шаршы алаңға шыққан қос қазақстандық та жартылай финалға жолдама алды. Сағындык Тоғамбай вьетнамдық Нгуйен Ман Куонды жеңсе, Айбек Оралбай үндістандық Гаурав Чауханнан басым түсті.</span>