Таиландтағы турнирде бүгін 7 қазақстандық боксшы жекпе-жек өткізеді

Бүгін Таиландтың Пхукет қаласында бокстан халықаралық Thailand Open-2022 турнирінде кезекті жекпе-жектер өткізіледі, деп хабарлайды ҚазАқпарат. 

<span>Бүгін, 5 сәуірде рингке еліміздің атынан жеті былғары қолғап шебері шығады. Олар жартылай финал жолдамасын сарапқа салады.</span>

<span>Турнирде 63 келіде Санатәли Төлтаев қытайлық Тайпей елінен Чу-Эн Лай қолғап түйістірсе, Сұлтан Мусинов вьетнамдық Ву Тан Датпен шаршы алаңға шығады. </span>

<span>Ал 69 келіде Асланбек Шымбергенов филиппиндік Маржон Пианармен кездессе, 75 келіде Тимур Нурсейітов үндістандық Сумитпен, Аятулла Тәкіжанов таиландтық Борворн Кадамнуан шеберлік байқасады. </span>

<span>Сондай-ақ, 91 келіде Сағындык Тоғамбай вьетнамдық Нгуйен Ман Куон, Айбек Оралбай үндістандық Гаурав Чауханмен жартылай финал жолдамасына таласады. </span>

<span>Елорда уақытымен күндізгі сессия 12.00-де, кешкі сессия 15.00-де басталады.</span>