Теннистен Майами турнирі: Юлия Путинцева екінші айналымға шықты

<span>Қазақстандық, әлемнің 47-ракеткасы Юлия Путинцева Майами (АҚШ) WTA 1000 турнирінің екінші айналымына шықты, деп хабарлайды ҚазАқпарат.</span>

<span>Қазақстандық теннисші алғашқы айналымда дүниежүзілік рейтингте 243-орында тұрған 18 жастағы германиялық Настасья-Мариана Шункпен кездесті.</span>

<span>Путинцева 4:6, 6:3, 6:1 есебімен жеңіске жетті. 27 жастағы спортшы екі сағатқа жуық уақытқа созылған бәсеке барысында 1 эйс жасап, 20 брейк-пойнттың алтауын сәтті пайдаланды. Қарсыласы 1 эйс, 3 брейкпен (4 брейк-пойнт) шектелді.</span>

<span>Юлия үшінші айналымға шығу үшін әлемнің 33-ракеткасы, чехиялық Маркета Вондроушовамен таласады.</span>

<span>Қазақстанның бірінші, әлемнің 18-ракеткасы Елена Рыбакина жарысты екінші айналымнан бастайды.</span>

<span>Жүлде қоры 8,3 млн АҚШ долларынан асатын ірі дода 3 сәуірде мәреге жетеді. Турнирдің өткен жылғы чемпионы, әлемнің 1-ракеткасы, аустралиялық Эшли Барти спорттық жолы аяқталғанын мәлім етіп, жарысқа қатысудан бас тартты.</span>