Ватерполшы қыздарымыз да Әлемдік лигадан тыс қалды

<p style="text-align: justify;"> <strong>Cу добынан әйелдер арасындағы Қазақстан ұлттық құрамасы да Әлемдік лиганың финалдық додасына шыға алмай, електік сында алтыншы орынға ие болды</strong><strong>.</strong></p> <p style="text-align: justify;"> Осыдан бір ай бұрын су добынан ерлер арасындағы Қазақстан ұлттық құрамасы Әлемдік лиганың финалдық додасына іліге алмай, електік сында алтыншы орынмен шектелген болатын.</p> <p style="text-align: justify;"> Енді, міне, қыздырамыз да тура сондай нәтиже көрсетіп отыр. Осы ретте айта кетейік, кейінгі жылдары әйелдер арасында да Әлемдік лиганың електік ойындары екіге бөлініп өткізіліп жүр.</p> <p style="text-align: justify;"> Әйелдер арасында Еуропа елдері екі топқа бөлініп, &laquo;үйде және түзде&raquo; жүйесімен додаға түсіп жүр. Ал Азия, Америка, Африка және Мұхит жағалаулары елдерінің командалары Құрлықаралық електік турнирде бақ сынайды.</p> <p style="text-align: justify;"> Әйелдер арасындағы биылғы Құрлықаралық електік сын Жаңа Зеландияның Окленд қаласында өтті. Оған сегіз елдің ұлттық құрамалары қатысты. Қазақстан қыздары іріктеу турнирінің бірінші сатысында &laquo;А&raquo; тобында өнер көрсетті.</p> <p style="text-align: justify;"> Олар Қытай қыздарынан 6:13 есебімен, ал АҚШ аруларынан 6:15 есебімен ұтылып қалып, Бразилия қыздарынан басым түсті. Негізі, бұл ойын тең аяқталған болатын. Бірақ біздің қыздар матч соңындағы пенальтиде басым түсіп, екі ұпай олжалады.</p> <p style="text-align: justify;"> Осылай &laquo;А&raquo; тобында үшінші орынға ие болып, ширек финалда &laquo;В&raquo; тобында екінші орынға ие болған Канада қыздарымен кездесті. Өкінішке қарай, бұл ойында 3:11 есебімен ойсырай ұтылып қалып, жартылай финалға шыға алмады.</p> <p style="text-align: justify;"> Бұдан кейін біздің қыздар 5-8 орындар сарапқа салынатын төрттікте бақ сынады. Мұндағы бірінші матчта Жапония аруларын 8:7 есебімен үтып, 5-орын үшін таласу құқығына ие болды.</p> <p style="text-align: justify;"> Қызық болғанда, 5-орын үшін қайтадан Бразилия қыздарымен кездесті. Бұл өте маңызды кездесу еді. Себебі, осы ойында жеңіске жеткен команда финалдық доданың соңғы жодамасына қол жеткізеді.</p> <p style="text-align: justify;"> Топтық кезеңде есе жіберіп алған Бразилия қыздары тістерін қайрап жүр екен, соңғы матчта қарқындарын үдетті. Окленд көгілдір айдынында еселерін қайтарды да. Есеп &ndash; 4:7. Ал Қазақстан қыздары финалдық дода жолдамасына сынық сүйем жетпей сүрінді.</p> <p style="text-align: justify;"> Қазақстан ұлттық құрамасының қыздары Оклендте тек Жаңа Зеландия және Жапония аруларынан жоғары орналасты. Ал Әлемдік лиганың финалы жолдамаларын АҚШ, Австралия, Канада, Қытай, Бразилия қыздары иеленді.</p> <p style="text-align: justify;"> Оларға Еуропадан Италия, Нидерланды және испания қыздары қосылады. Осы сегіз құрама 9-15 маусым аралығында Шаңхайда (Қытайда) өтетін финалдық сында додаға түседі.&nbsp;</p> <p style="text-align: justify;"> &nbsp;</p> <p style="text-align: justify;"> <strong><em>Топтық кезең:</em></strong><br /> <br /> Қазақстан &ndash; Қытай &ndash; 6:13<br /> <br /> Қазақстан &ndash; Бразилия &ndash; 12:11<br /> <br /> Қазақстан &ndash; АҚШ &ndash; 6:15<br /> <br /> <strong><em>Ширек финал:</em></strong><br /> <br /> Қазақстан &ndash; Канада &ndash; 3:11<br /> <br /> <strong><em>5-8 орындар үшін:</em></strong><br /> <br /> Қазақстан &ndash; Жапония &ndash; 8:7<br /> <br /> <strong><em>5-орын үшін:</em></strong><br /> <br /> Қазақстан &ndash; Бразилия &ndash; 4:7<br /> &nbsp;</p> <p style="text-align: justify;"> &nbsp;</p> <p style="text-align: justify;"> &nbsp;</p> <p style="text-align: justify;"> &laquo;Алаш айнасы&raquo; интернет-порталынан&nbsp;</p>