Дэвис кубогы: Қазақстан - Норвегия матчында кімдердің ойнайтыны анықталды

Осло қаласында 4-5 наурызда өтетін Дэвис кубогы іріктеу матчында кімдердің ойнайтыны белгілі болды. Бұл туралы баспасөз мәслихатында айтылды, деп хабарлайды Prosports.kz сайты ҚазАқпарат-қа сілтеме жасап.

<span>Қазақстан теннис федерациясы мәлім еткеніндей, аталмыш матчта еліміздің намысын Александр Бублик, Михаил Кукушкин, Андрей Голубев, Александр Недовесов және Дмитрий Попко қорғайды.</span>

<span>Норвегия тарапынан Каспер Рууд, Виктор Дурасович, Лукас Хеллум Лилленген, Герман Хойерал және Симен Сунде Братхольм матчқа дайын. </span>

<span>Қазақстан құрамасының капитаны Юрий Щукин қарсыласты бағалау керектігін жеткізді. </span>

<span>«Норвегия теннисшілері рейтингте төмен тұрғанына қарамастан, құрамы осал емес. Екі күнге жоғары деңгейдегі бес ойын белгіленген. Сондықтан біз бәріне әзір болуымыз керек», деді Ю.Щукин.</span>

<span>«Қазақстандықтардың тәжірибесі мол. Ал Норвегия құрамасында барлығы жастар, күш-жігері жеткілікті. Біз соны пайдаланғымыз келеді», Норвегия құрамасының капитаны Андерс Хосет.</span>