ГЛАВНАЯ Күрес Мәриям Ордабаева: «Сурет салып, өлең жазатынымды көп адам біле бермейді»

1 мамыр 2015

Мәриям Ордабаева: «Сурет салып, өлең жазатынымды көп адам біле бермейді»

Қазақстан мен әлем спортындағы ең қызық жаңалықтарды бірінші болып біл

<div style="text-align: justify;"> <strong>Дзюдодан әйелдер құрамасының мүшесі Мәриям Ордабаева спорттағы және жеке өміріндегі өзгерістер туралы айтып берді, </strong><strong>деп хабарлайды <a href="http://prosortkz.kz/">«PROСПОРТ»</a>.</strong></div> <div style="text-align: justify;">  </div> <div style="text-align: justify;"> <strong>– Жуырда ғана Түркияның Самсун қаласындағы турнирден оралдыңыздар. Ел үміт артқан дзюдошылардың арасында сіз де барсыз. Өкінішке қарай, алғашқы айналымда 10:0 есебімен ұтып тұрып, келесі айналымның жолдамасын қарсыласыңызға беріп қойдыңыз. Жеңісті уысыңыздан шығарып алуға не себеп?</strong></div> <div style="text-align: justify;">  </div> <div style="text-align: justify;"> – Оныңыз рас. Самсуннен жүлдемен ораламын деп ойлағанмын. Бірақ ойдағымыз жүзеге аспай қалды. Биыл қыста жиі ауырып, ағзам әбден әлсіреп қалған тәрізді. Күнделік жаттығу жасап, татамиде белдесіп жүрсең, жарыс кезінде де толқуға бой алдыра бермейсің. Ал бұл үдеріс үзіліп қалса, жаттығуды қайта бастап, сайысқа да алғаш шығып тұрғандай күй кешесің. Жалпы, менің күресті тәп-тәуір бастап келіп, соңғы сәттерде еркінсіп қалатын «әдетім» бар. Түркияда да жеңісті қолдан беруімнің басты себебі осы. Қазір бұл мәселені жою үшін бапкерім екеуміз тынбай еңбек етудеміз. Ендігәрі мұндай қателіктерге жол бермеуге тырысамын.</div> <div style="text-align: justify;">  </div> <div style="text-align: justify;"> <strong>– Мамыр айында құрамамыз Кувейтте өтетін Азия біріншілігінде аттанбақ. Бұл тізімге сіз іліндіңіз бе?</strong></div> <div style="text-align: justify;">  </div> <div style="text-align: justify;"> – Кувейтке баратын құрам анықталды. Бапкерлер шешімімен Сары құрлық додасында мен де бағымды сынайтын болдым. Бұл жолы есе жібермеспіз. Дайындық жаман емес. Екі апта бойы жеке бапкеріммен кемшін тұстарды жою жолдарын іздеп, шешуге тырысып көрдік. Келесі аптада оқу-жаттығу жиындары өтеді. Енді білгенімізден жаңылмай, сәтті өнер көрсетсек, қоржынға жүлде саламыз деп үміттенемін.</div> <div style="text-align: justify;">  </div> <div style="text-align: justify;"> <strong>– Бұл додада сіз үшін кімдер басты қарсылас болмақ?</strong></div> <div style="text-align: justify;">  </div> <div style="text-align: justify;"> – Азияда дзюдо жақсы дамыған. Әлем мықтыларының басым бөлігі осы сары құрлықта. Оңтүстік Кореядағы Азия ойындарында топ жарған кореялық дзюдошы мен жапониялық спортшыны мықты қарсылас деп айтуға болады. Моңғолияның да бұл спорттан алар үлесі аз емес. Ал Еуропада Израиль, Швеция, Австрияның көші ілгері.Сондықтын 63 келіде бәсекелестік өте жоғары деңгейде. Еркінсуге, еркелеуге мүлде болмайды.</div> <div style="text-align: justify;">  </div> <div style="text-align: justify;"> <strong>–Азия ойындары демекші, Инчхонда сізге қола жүлденің өзі оңайлықпен келмеді. Әйтпесе спорт мамандары сізді фавориттердің қатарына жатқызған болатын...</strong></div> <div style="text-align: justify;">  </div> <div style="text-align: justify;"> – Жеребе бойынша алдымен қырғыз қызы Гүлжаз Саимовамен кездесіп, жеңіске жеттім.Одан соң қытайлық Джунксия Янгпен болған белдесу қиынға түсті. Аспанасты елінің өкілінен ұтылып қалғаныммен, қарсыласым финалға шығып, соның арқасында жұбаныш белдесуіне мүмкіндік туды. Осындай тамаша сәт туып тұрғанда қалт жібермей, қырғыз Гүлжаз Саимованы ұтып, қолаға таласатын болдым. Ал үшінші орын үшін бәсекеде моңғол Мунгунчимег Балдорждан «вазари» әдісі бойынша басым түстім. Қола үшін болған кездесуде де соңғы секундта қарсыластың қыспағына түсіп қала жаздадым. Мұндай жерде кішкентай қателіктің құны да қымбат. Рас, мен де алтынна дәмелі едім. Мақсатым айқын болатын. Бірақ Инчхондағы өнеріме көңілім толды. Қолаға да қанағат. Бастысы, еңбек етуді тоқтатпау қажет.</div> <div style="text-align: justify;">  </div> <div style="text-align: justify;"> <strong>– Былтырғы жылы Чеджудегі Гран-при добасында 70 келіде өнер көрсеттіңіз. Негізінен 63 келіде күресіп жүргеніңізді білеміз. Сізге қай салмақ көбірек ыңғайлы?</strong></div> <div style="text-align: justify;">  </div> <div style="text-align: justify;"> – Шыны керек, Чеджуде қызуым көтеріліп, қатты ауырып қалдым. Сондықтан өз салмағымды ұстай алмадым. Себебі ондай жағдайда салмақ қуу оңай емес. 70 келіде өнер көрсеткенім де сондықтан. Әйтпесе өзімнің негізгі салмағым – 63 келі.</div> <div style="text-align: justify;">  </div> <div style="text-align: justify;"> <strong>– Спортшылар үшін жаттығудан бөлек, күнделікті дұрыс тамақтанудың да маңызы зор. Ал сіз мұндай жауапты іске қаншалықты көңід бөлесіз?</strong></div> <div style="text-align: justify;">  </div> <div style="text-align: justify;"> – Әрине. Жарыс алдында диета ұстайтыным бар. Ондай кезде көп тағамнан бас тартамын. Ал өзіме тәтті бәліш ұнайды.</div> <div style="text-align: justify;">  </div> <div style="text-align: justify;"> <strong>– Ал Қазақстанда 63 келідегі негізгі бәсекелестеріңіз кімдер?</strong></div> <div style="text-align: justify;">  </div> <div style="text-align: justify;"> – Зәмзәгүл Файзолланова, Зарина Санаки, Анар Жұмабаева, Жанар Қашқынды айтуға болады.</div> <div style="text-align: justify;">  </div> <div style="text-align: justify;"> <strong>– Жаңа жылдың басында ұлттық құрамаға 48 келіде моңғолиялық легионер қыз келді. Қалай ойлайсыз, дзюдоға сырттан спортшы шақыру қажет пе?</strong></div> <div style="text-align: justify;">  </div> <div style="text-align: justify;"> – Мен бұл сұраққа қатысты ештеңе айта алмаймын. Сырттан легионер шақыруды федерация мен ұлттық құраманың басшылары шешеді. Егер шынымен мықты спортшы келіп жатса, онда бәсекелестіктің артуына пайдасы тиеді.</div> <div style="text-align: justify;">  </div> <div style="text-align: justify;"> <strong>– Биыл еліміз дзюдодан тұңғыш рет әлем чемпионатын өткізбек. Сіздің ойыңызша, біз дүниежүзілік доданы қабылдауға қаншалықты дайынбыз?</strong></div> <div style="text-align: justify;">  </div> <div style="text-align: justify;"> – Бастапқыдай осы мәселеге қатысты біраз түсінбестіктер орын алғанымен, кейіннен бәрі де біздің пайдамызға шешілді. Қазақстанға әлем чемпионатын өткізуді сеніп тапсыруының өзі дүниежүзілік федерациялардың елімізге, спортымызға деген оң көзқарасынан болса керек. Бұл – маңызды әрі жауапты қадам. Себебі, спортшылар Рио Олимпиадасы алдындағы дайындығын пысықтап әрі жолдамаға таласады. Әлемнің үздік дзюдошылары келетіні түсінікті. Десек те біздің ел аталмыш жарысты жоғары деңгейде ұйымдастырады дегенге күмәнім жоқ. Спортшыларымыз да жанкүйерлер алдында қарап қалмас. Тек қолдайтын, қолпаштайтын жанкүйерлеріміз, спортсүйер қауым көптеп жиналса болды.</div> <div style="text-align: justify;">  </div> <div style="text-align: justify;"> <strong>– Мәриям, жақында ғана туған күніңізді атап өткеніңізді білеміз. Әдетте бұл күнді қалай тойлайсыз және қандай сыйлықтар алғанды ұнатасыз?</strong></div> <div style="text-align: justify;">  </div> <div style="text-align: justify;"> – Биылғы туған күнімді көңілімдегідей тойладым. Жылда жарыс, жаттығу деп сыртта жүретінмін. Ал бұл жолы отбасыммен, жақын достарыммен бірге болдық. Сыйлыққа келсем, аса талғампаз емеспін. Бірақ қажетсіз дүниелерді алғанды ұнатпаймын. Сыйлықтардың арасында есімде ерекше қалғаны – үйде өсетін гүл. Өзім де гүлге қарағанды ұнатамын. Антуриумым мен спатифиллюм деген гүлім бар. Антуриум «әйел бақыты» дегенді, спатифиллум «ер адамдардың бақыты» дегенді білдіреді. Сондай-ақ орхидея мен кактус өсіремін.</div> <div style="text-align: justify;">  </div> <div style="text-align: justify;"> <strong>– Жаттығу мен жарыстардан қолыңыз қалт еткенде немен айналысасыз?</strong></div> <div style="text-align: justify;">  </div> <div style="text-align: justify;"> – Табиғатты өте жақсы көремін. Әсіресе, таулы жерді ұнатамын. Шаңғымен сырғанау, балық аулау –менің ең сүйікті хоббиім. Әрине, уақыт өте тапшы. Бірақ мүмкіндік бола қалса, пайдалануға тырысамын.</div> <div style="text-align: justify;">  </div> <div style="text-align: justify;"> <strong>–Спорттан басқа қандай өнерге икеміңіз бар?</strong></div> <div style="text-align: justify;">  </div> <div style="text-align: justify;"> – Жас кезімде гимнастикамен айналысқанмын. Сурет үйірмесіне барған кезімде болған. Өлең жазатынымды көп адам біле бермейді.</div> <div style="text-align: justify;">  </div> <div style="text-align: justify;"> <strong>– Яғни спортты таңдамасыңызға амал қалмаған ғой?..</strong></div> <div style="text-align: justify;">  </div> <div style="text-align: justify;"> – Каратэмен де шұғылданғанмын. Үйірмелерге барып жүріп таңдауым жапондардың күресіне түсті.</div> <div style="text-align: justify;">  </div> <div style="text-align: justify;"> <strong>– Былтыр сізді бейнеклиптен көзіміз шалды. Мұндай ұсыныстар жиі түсе ме?</strong></div> <div style="text-align: justify;">  </div> <div style="text-align: justify;"> – «Мой любимый sputnik» деген топтың «Утро» деген клипіне түскенім рас. Енді мұндай ұсыныстарды Олимпиадаға дейін шегере тұрамын. Бар мақсатым – Рио-де-Жанейрода өтетін төртжылдықтың басты додасында жүлдеге ілігу.</div> <div style="text-align: justify;">  </div> <div style="text-align: justify;"> <strong>– Осындай сұлу қыздың жалғыз жүруі мүмкін емес шығар?..</strong></div> <div style="text-align: justify;">  </div> <div style="text-align: justify;"> – Жігітім бар екені рас. Ол менің мамандығыма сыйластықпен, түсіністікпен қарайды. Сондықтан татамиде белгілі бір жетістікке жеткенімді құп көреді.</div> <div style="text-align: justify;">  </div> <div style="text-align: justify;"> <strong>– Сіздіңше, бүгінгі заманның қыздары қандай болуы тиіс?</strong></div> <div style="text-align: justify;">  </div> <div style="text-align: justify;"> – Бұрынғы уақытпен салыстырғанда қазіргі кезде көптеген өзгеріс бар. Меніңше, белгілі аспектілермен есептейтін болсақ, қыздар заман талабына сай өмір сүруде. Яғни отбасымен қатар кәсібінде де биік жетістіктерге жетіп жүрген аруларымыз аз емес. Дегенмен біз өзіміздің нәзіктігіміз бен сұлулығымызды сақтап, ер-азаматтардың алдында әрқашан әдемі болып көрінуге талпынуымыз керек.</div> <div style="text-align: justify;">  </div> <div style="text-align: right;"> <em><span style="font-size:16px;">fdk.kz  сайтынан алынды</span></em></div>

Ошибка в тексте? Выделите и нажмите Ctrl+Enter

Подписывайтесь на cпортивные новости Казахстана и мира

Комментарии

Для того, чтобы оставить комментарий, или