Геберт шағымы: Ұлттық құрама Олимпиададан оралғаннан кейін тексеру жүргізіледі

Фристайлдан ұлттық құраманың бұрынғы спортшысы Александр Геберт шағымына қатысты тексеру спортшылар Бейжің Олимпиадасынан оралғаннан кейін жүргізіледі.

<span>Бұл туралы Мәжіліс депутаттарының сауалына ҚР Бас прокурорының міндетін атқарушы Берік Асыловтың жауабында айтылған, деп хабарлайды Prosports.kz тілшісі ҚазАқпаратқа сілтеме жасап</span>

<span>«Мәдениет және спорт министрлігінің мәліметіне сәйкес, Геберт Ұлттық шаңғы қауымдастығының хаты негізінде фристайл-могулдан ұлттық команданың штаттық құрамынан шығарылған. Дегенмен, министрлік тарапынан фристайлшы Геберт шағымы бойынша тексеру жүргізілмеген. Бұл мәселені министрлік еліміздің ұлттық құрамасы қысқы Олимпиададан оралғаннан кейін қарайтын болады», - делінген Берік Асыловтың жауабында. </span>

<span>Айта кетейік, 2021 жылдың қазан айында фристайлдан ұлттық құраманың бұрынғы спортшысы Александр Геберт өз бапкерін алым-салық жинады, біліксіздік танытты және құрамадан заңсыз шығарды деп айыптаған еді. Одан кейін ҚР Мәдениет және спорт вице-министрі Серік Жарасбаев фристайлдан ұлттық құраманың бұрынғы спортшысының өз бапкерін сыбайлас жемқорлық жасады деп айыптағаны туралы сұрақтарға жауап берген болатын.</span>

<br /><br />