Нұрсұлтанов кәсіпқой рингтегі он алтыншы жеңісіне қол жеткізді

Ақтауда өтіп жатқан кәсіпқой бокс кеші аяқталды, деп хабарлайды Prosports.kz.

Кештің басты жекпе-жегінде қазақстандық Мейірім Нұрсұлтанов пен ресейлік Андрей Сироткин кездесті. Олар орта салмақта WBO International чемпионы титулын сарапқа салады. 

Жекпе-жек бесінші раундтың соңында аяқталды. Нұрсұлтановтың жойқын соққыларынан кейін ресейлік боксшыжекпе-жекті жалғастырудан бас тартты.

Осылайша, Нұрсұлтанов кәсіпқой мансабындағы он алтыншы жеңісіне қол жеткізіп, WBO International белбеуіне ие болды.