Қасым-Жомарт Тоқаев Бейжің Олимпиадасының ашылу салтанатына қатысады

Қазақстан президенті Қасым-Жомарт Тоқаев Бейжіңде өтетін қысқы Олимпиада ойындарының ашылу салтанатына қатысады, деп жазады Olympic.kz.

"Ақпанның 4-5 күндері Мемлекет басшысы Қасым-Жомарт Тоқаев ҚХР Төрағасы Си Цзиньпиннің шақыруымен XXIV Қысқы Олимпиада ойындарының ашылу салтанатына қатысу үшін Бейжің қаласына жұмыс сапарымен барады.

Сонымен қатар сапар барысында Қазақстан Президенті мен Қытай Төрағасы екіжақты келіссөз жүргізеді деп жоспарланған", - деп хабарлады мемлекет басшысының баспасөз хатшысы Берік Уәли.

Айта кетелік, қысқы ойындардың ресми түрде ашылу салтанаты 4 ақпанға жоспарланған.