Australian Open: Аружан Сағындықова жартылай финалға шыға алмады

<span>Қазақстандық Аружан Сағындықова жұптық сында Аустралия ашық чемпионаты жасөспірімдер турнирінің жартылай финалына шыға алмады</span>, деп хабарлайды Prosports.kz тілшісі ҚазАқпаратқа сілтеме жасап.

<span>Қазақстан теннис федерациясы мәлім еткеніндей, 17 жастағы А.Сағындықова ресейлік Екатерина Хайрутдиновамен бірге ширек финалда канадалықтар Кайла Кросс – Виктория Мбокомен кездесті. Қазақстандық-ресейлік жұп 2:6, 2:6 есебімен қарсыластарына жол берді.</span>

<span> «Бұл менің жасөспірімдер арасында алғашқы «Үлкен дулыға» турнирім еді. Осындай ірі жарыста елімнің намысын қорғап, жұптық сында ширек финалға дейін жетуім жақсы жетістік деп ойлаймын. Жекелей сында тәжірибем жетіспеді. </span>

<span>Алдағы уақытта бұдан да жоғары табысқа қол жеткізу үшін жақсылап дайындалып, барымды саламын. Маған қолдау көрсеткен Қазақстан теннис федерациясына, бапкеріме, барша жанкүйерлеріме алғысымды білдіргім келеді», - деді А.Сағындықова.</span>

<span>Фото ktf.kz</span>