Қанат Исламның қарсыласы жекпе-жекке қалай дайындалып жатқанын көрсетті

Британиялық боксшы Джимми Келли (25-2, 10 КО) алдағы жекпе-жегіне дайындықты жалғастырып жатыр, деп хабарлайды Prosports.kz.

Ол жақында қазақстандық боксшы Қанат Исламмен (28-0, 22 КО) жұдырықтасады.

Ислам – Келли жекпе-жегі 21 қаңтарда Американың Флорида штатындағы Плант-Сити қаласында өтуі керек еді, бірақ аймақта коронавирус қайта өршіп кеткендіктен, ұйымдастырушылар шараны 25 ақпанға ауыстыруды ұйғарды.

Келли инстаграм парақшасында жаттығу сәтінен видео жариялап: «Ковидке байланысты үлкен жекпе-жек кейінге шегерілді, бірақ мен жаттығуды тоқтатпаймын», деп жазды.