Елордадағы Азия чемпионаты бір жыл кейін шегерілді

Қазақстан жеңіл атлетика федерациясы Нұр-Сұлтанда өтетін жабық кешендегі Азия чемпионатының кейінге шегерілгенін хабарлады, деп жазады Prosports.kz.

«Елдегі эпидемиологиялық жағдайдың нашарлауына және Омикрон штаммының инфекциясының күшеюіне байланысты Қазақстан Республикасының Жеңіл атлетика федерациясы Азия жеңіл атлетика қауымдастығының қолдауымен жеңіл атлетикадан жабық кешендегі 10-шы Азия чемпионатын 2023 жылға ауыстыру туралы шешім қабылдады, - деп жазылған хабарламада. 

Еске салайық, елордада биыл ақпан айында Азия чемпионаты өтуі тиіс болатын.