Қанат Ислам мен Данияр Елеусінов IBF рейтингінен шығып қалды

Халықаралық бокс федерациясы (IBF) барлық салмақ санатындағы боксшылар рейтингінің жаңартылған нұсқасын ұсынды.

<span>Назарларыңызға қазақстандық боксшылардың позицияларын ұсынамыз: Екінші орта салмақта Айдос Ербосынұлы төртінші орнын сақтап қалды. </span>

<span>Алғашқы екі позиция бос, үшінші орында – ресейлік Евгений Шведенко. Бұл дивизиондағы IBF әлем чемпионы – мексикалық Сауль «Канело» Альварес. </span>

<span>Орта салмақта әлем чемпионы атағы Геннадий Головкинге тиесілі. Жәнібек Әлімханұлы тоғызыншы орнында қалды, ал Мейірім Нұрсұлтанов 12-ші орыннан 13-ші орынға төмен түсті, ал 14-ші орында болған Қанат Ислам рейтингке ілінбей қалды. </span>

<span>Үздік 15-тің ішінде бірінші орында – бразилиялық боксшы Эскива Фалькао, екінші орын бос, үшінші орында – неміс Патрик Войцицки.</span>

<span> Жартылай орта салмақта өткен айда 13-ші орында болған Данияр Елеусінов те рейтингке ілінбеді. Бұл дивизионда әлем чемпионы – америкалық Эррол Спенс, алғашқы екі позиция бос, ал үшінші орында – оның отандасы Джарон Эннис.</span>