Қазақстандық акробат Ақмаржан Қалмұрзаева әлем кубогы кезеңінде үздік ондыққа енді

Дир-Вэллиде (АҚШ) фристайл-акробатикадан әлем кубогы кезеңі мәресіне жетті, деп хабарлайды Olympic.kz.

Әйелдер арасында финалда Қазақстан сапынан Ақмаржан Қалмұрзаева бақ сынады. Ол финалда 75,68 ұпай жинап, тоғызыншы орынға табан тіреп, үздік ондыққа енді. 

Айта кетерлігі, жарыс қорытындысы бойынша Аяна Жолдас 21, ал Жанбота Алдабергенова 27-орыннан көрінді.