ҚХЛ маусымы уақытша тоқтады

Құрлықтық хоккей лигасы (ҚХЛ) тұрақты маусымды бір аптаға уақытша тоқтатты.

Лигада коронавирус жұқтырған ойыншылар, жаттықтырушылар мен команда өкілдерінің саны 171 адамды құрағаны анықталды.

Клубтардағы ауру санының тез өсуіне, вирустың шамадан көп таралуына байланысты Лига 2022 жылдың 15, 17, 19 және 21 қаңтарындағы ойын күндерін кейінге ауыстыру туралы шешім қабылдады.