«Алау» мұз сарайында допты хоккейден Қазақстан чемпионаты басталды

<p> <strong>Астанада &laquo;Алау&raquo; мұз сарайында допты хоккейден 2000-2001 жылғы жасөспірімдер арасында Қазақстан чемпионаты басталды. Жарысқа Астана, Орал, Петропавл және Хромтау қалаларының құрамалары қатысып жатыр.</strong></p> <p> Бұл мұз сарайы тарихындағы &laquo;ринг-бенди&raquo; форматында өткізіліп жатқан екінші допты хоккей біріншілігі. Ринг-бенди &ndash; бұл атақты ойынның шағын нұсқасы, мұнда ережелер өзгертіліп, қалыпты ойын алаңы орнына хоккей кортында құрамалар бақ сынасады. Ойынның дәл осы түрі әлемде үлкен сұранысқа ие болып отыр.</p> <p> Қазақстан құрамасы допты хоккейден әлемдегі ең мықты командалардың бірі. Спортшылар 2011 жылы 7-ші Азия ойындарында алтын және әлем біріншіліктерінде алты бірдей жүлдеге қол жеткізген болатын.</p> <p> &laquo;Бұл өте тартымды спорт түрі. Бізде талантты жастар көп, бірақ олардың өнерін дамытуға мүмкіндік аз&raquo;, - дейді Астана құрамасының бапкері Валерий Скучалин.</p> <p> Чемпионат осы аптаның соңына дейін жалғасады. 17 сәуірде ұйымдастырушылар мықтыны анықтайды. Бұл жарыста үздік атанған құрама 2017 жылы өтетін Универсиадада ел намысын қорғайтын болады.</p> <p> &nbsp;</p> <p> Bnews.kz. сайтынан</p>