Биатлоннан Германиядағы әлем кубогы кезеңінің өтетін мерзімі ауысты

Биатлоннан Германияның Оберхофф қаласындағы әлем кубогі аясында спринтерлік жарыстың өтетін мерзімі ауыстырылды. Бұл туралы Халықаралық биатлоншылар одағы мәлімдеді, деп хабарлайды Prosports.kz тілшісі ҰОК сайтына сілтеме жасап. 

Жарыс 6 қаңтардан 7 қаңтарға ауыстырылды. Турнир уақытының өзгеруіне ауа райы жағдайы себеп болған. 

Оберхофтағы өзге жарыстардың бәрі алғашқы кестеге сай өткізіледі. 7 қаңтар күні әйелдер арасындағы спринт, 8 қаңтар күні аралас эстафета мен сингл-микст жеңімпаздары анықталады. 9 қаңтарға із кесу жарысы жоспарланған.