«Манчестер Юнайтедтің» бұрынғы ойыншысы ҚПЛ клубында қалады

«Манчестер Юнайтед» пен мәскеулік ЦСКА-ның экс-ойыншысы Зоран Тошич «Тобылдағы» мансабын жалғастырады, деп хабарлайды инсайдер Айдын Қожахмет телеграм-арнасында.

«Барлығы Тошич кетеді деп жатыр. Алайда менің ақпаратым бойынша, оның «Тобылмен» келісімшарты ұзартылады. Бұл ойыншының да, бас бапкердің де қалау», — делінген дереккөздің жазбасында.

Естеріңізге сала кетсек, 34 жастағы жартылай қорғаушы сәуірде «Тобыл» қатарын толықтырды. Ос аралықтк барлық турнирлерде 17 матчқа қатысып, бес гол соғып, үш нәтижелі пас берді.