Қанат Ислам орта салмақтағы WBO International титулынан айырылды

Қазақстандық боксшы Қанат Ислам (28-0) орта салмақтағы WBO International титулынан айырылды, деп хабарлайды Prosports.kz.

Бұл туралы BoxRec.com порталы хабарлады. Бұл титулдың жаңа иесі 15 қаңтарда Ақтауда өтетін қазақстандық боксшы Мейірім Нұрсұлтанов (15-0, 8 КО) пен ресейлік Андрей Сироткин (19-1-1, 7 КО) арасындағы жекпе-жекте анықталады.

WBO International титулын Қанат Ислам 2019 жылы Уолтер Контондокваға қарсы жекпе-жекте жеңіп алған болатын. Содан бері қазақстандық бір ғана жекпе-жек өткізді: ол эквадорлық Джейсон Минданы нокаутқа түсірді. Дүниежүзілік бокс ұйымының мұндай шешім қабылдауына қазақстандықтың ұзақ уақыт бойы титулды қорғай алмағаны себеп болған шығар.