Қазақстан чемпионаты: алғашқы финалистер анықталды

Оралда бокстан ерлер арасындағы Қазақстан чемпионатында алғашқы финалистер белгілі болды, деп хабарлайды ҚазАқпарат.

<span>Теннис орталығында өтіп жатқан айтулы додада 48 кг салмақта батысқазақстандық Даниял Сәбит Алматы облысының өкілі Кенже Мұратұлын 5:0 есебімен ұтып, соңғы бәсекеге жолдама алды.</span>

<span> Алматы қаласынан келген Ернұр Қайратты айқын басымдылықпен (5:0) жеңген елордалық Санжар Ташкенбай Д.Сәбитке қарсылас атанды. </span>

<span>51 кг салмақта тағы бір батысқазақстандық Нұрсұлтан Нұриденов жартылай финалда Алматы облысының намысын қорғаған Тимур Қабдешовтен айласын асырды (3:2). Нұрсұлтан финалда Алматы облысының тағы бір өкілі Дамир Әбдіқадырмен жұдырықтасады. Ол маңғыстаулық Қуаныш Дүйсенбайдан айласын асырды (5:0). </span>

<span>54 кг салмақта атыраулық Олжас Байниязов шығысқазақстандық Дәулет Молдашевтің меселін қайырды (5:0). Қызылордалық Нұрсұлтан Алтынбектен 4:1 есебімен басым түскен қарағандылық Талғат Сырымбетов те алтын үшін айқасады. </span>

<span>57 кг салмақта Ақмола облысынан келген Оразбек Асылқұлов павлодарлық Ерболат Сабырды ұтып кетті (5:0). Оның финалдағы қарсыласы – жамбылдық Бибарыс Жексенді сүріндірген қостанайлық Айдос Арапов. </span>

<span>67 кг салмақта Алматы облысының боксшысы Дархан Дүйсебай өзінің жерлесі Мирас Ертановты 5:0 есебімен жеңді. Шымкенттік Дәулет Нысанды жолдан тайдырған (5:0) жамбылдық Дулат Бекбауов та финалда. </span>

<span>71 кг салмақта финалда павлодарлық Қуан Қуатов пен шығысқазақстандық Ермахан Жакпеков кездеседі. Олар сәйкесінше алматылық Армат Арманұлы мен Алматы облысының өкілі Нұржан Амангелдіден айқын басымдылық танытты. </span>

<span>75 кг салмақта төрешілердің шешімі бойынша жамбылдық Нұржігіт Молжігітовті жеңген атыраулық Нұрқанат Райыс пен алматылық Тимур Нұрсейітовтен басым түскен павлодарлық Аятулла Такижанов финалға жолдама алды. </span>

<span>Басқа салмақ дәрежелерінде финалистер бүгін анықталады.</span>