Шымкентте әйелдер арасында бокстан ел чемпионаты басталды

<p style="text-align: justify;"> <strong>Шымкентте республикалық спартакиада аясында әйелдер арасында бокстан ел чемпионаты басталды. Медальдарды 82 спортшы сарапқа салмақ, деп хабарлайды BNews.kz.</strong></p> <p style="text-align: justify;"> Барлық қатысушылар саны туралы айтсақ, 9 қыздан Алматы, Қарағанды, Оңтүстік Қазақстан және Жамбыл облыстары атынан қатысты. Астанадан 8 спортшы, Алматы облысынан -7, Қостанай мен Маңғыстау облыстарынан -5, Ақмола облысынан -4, Ақтөбе, Атырау, Павлодар мен Шығыс Қазақстан облыстарынан &ndash; 3, Қызылорда мен Солтүстік Қазақстан облыстарынан екі спортшы және Батыс Қазақстан облысынан бір қыз қатысты.</p> <p style="text-align: justify;"> Бүгін 48, 54 және 69 келіге дейінгі салмақ дәрежелері бойынша жекпе-жектер өтіп жатыр. Жартылай финал 17 сәуірге жоспарланған, финалға өткен жеңімпаздардың есімдері 18-і күні белгілі болады.</p>